كشختنا الرابعة عالمياً

كشختنا الرابعة عالمياً

--------------------------------------------------------------------------------

شي غير متوقع بصراحه ان ترسيمتنا وزنطتنا بهالغواليق بتوصلنا للمركز الرابع عالمياً حسب دراسة سوتها مؤسسة الأبحاث التسويقية (( روبر ستارش ورلد وايد )) وهالدراسة كانت في 30 دولة << الله من الفضاوة
وكانت تتراوح اعمار هاللي ابثروهم بالاسئلة تقريباً بين 13 و60 سنه << تسنهم عارفين ان عندنا شيبان زكرت ويحبون الفسقه ولا يتدلعون إلا بتالي عمارهم

المراد اننا جينا عقب فنزولا والمكسيك وتركيا << على طاري تركيا تهقون ان لميس بتعطيني وجه

والشي المستغرب ان الامريكان هالي صاجينا بالهياط طلعوا ماهناش يوم جاء وقت الصدق << بس ما تلاحظون ان ما فاز بالزبرقه الا اردى الدبش .. والا وين اليابان وامريكا والصين وفرنسا .. صدز هالعالم مخلين لنا الزبرقه وهم مدهرين بالعلم

العلم عند الله ان ربعنا فايزين بمسابقة ( الكخه ) وبما ان ربعنا ما ينقصهم ( شين ) فحطوا حرف الشين بعد الكاف وصارت مسابقة الكشخه

بس عاد ترى الدراسة مالها دخل بالزين والشين .. الدراسة لها علاقة بالخلاقين وتناسقها مع بعض .. بس الغريبة وين وراعين لبنان والا صاجينا بيلبأ لك وكتير مهضوم ويوم جاء الصدز جوك ربع الصريخ ونسفوهم .

عموما بتكون محاورنا اذا هم صادزين في هالمسابقة :

هل زينا الثوب والشماغ اعطانا تميز ؟

الكشخه غالبا تركب على الاجسام الصحيه .. وهذا يتطلب اكل صحي ونوم مبكر ومحافظة على الرياضة وربعنا ما يتقضون الا من الددسن اللي واقف عن السقاف في الشفا ويسهرون الى الفجر ورياضتهم هاليومين لعب بالسوني .. اجل من وين جابوا هالاجسام ؟

الابتسامة الساحره وبياض الاسنان واكثر شبابنا يشتري فرشة اسنان طويله وخشنه علشان يقدر يحك بها ظهره

ارتباطاتنا الاسريه من عروس وعزايم ها لها علاقة بكشخة شبابنا ؟

لي باك ان شاء الله